Denai tau cinto tumbuah di hati
Denai tau uda manyayangi
Mano mungkin uda pauikkan janji
Cinto hanyolah mimpi
Manga kini baru uda katokan
Manga kini baru uda ka pulang
Cukuik lamo denai uda tinggakan
Seso nan denai tangguangkan
Ndak disasali uda datang
Ndak disasali uda maminang
Tapi kini denai di dalam
Ganggaman urang....
Ndak guno lai uda arokkan
Ndak guno lai uda nantikan
Cari nan lain kaganti denai
Oi uda sayang....
Sambilan bulan sapuluah hari
Manangguang ragam saba mananti
Manyabuang nyawo basarah diri
Darah tatumpah manyiram bumi
Jolong tadanga rengek jo tangih
Barubek jariah sananglah hati
Agak ka ameh babungkah bungkah
Agak ka perak indak tabilang
Kok hati mande nan dilukoi
Bumi manyumpah aras baguncang
Alamaik iduik ndak kasalasai
Bak cando kayu digiriek kumbang
Jaso mande indak ka tabaleh
Bia babungkah perak jo ameh
Indak disangko cinto saputiah bungo
Nyatonyo kinilah mambuek luko
Dek manihnyo janji denai uda rayu
Manih tangguli uda bari dulu
Babungo bungo raso cinto di hati
Katiko dulu uda bisiakkan rindu
Kasieh tajalin cando arek bapadu
Indak bapisah saiduik sampai mati
Sampai hatinyo uda putuihkan
Talian kasiah cinto nan suci
Hanyo dek ulah intan parmato
Denai nan bansaik uda tinggakan
Hilang kinilah hilang di hati
Cinto nan dulu denai arok i
Manga sampai hati uda kini
Putuihkan cinto kito sabalun jadi
Alah kariang si rinai malam
Rinai di hati mangkonyo seso
Antah dek buruok untuang di badan
Bungo kakambang mande rangguikkan
Oi da kanduang pautan cinto
Adaik limbago nan managahkan
Tagah dek kito urang sapayauang
Anggan dek mamak kamanyatukan
Dek tabiang tarantang panjang
Jurang dalam nan mamisahkan
Iduik bak cando daun jo rantiang
Daunlah mati rantiang sansaro
Jikok tumbuah tali bapilin
Usah uda rantangkan surang
Baduo kito maelonyo....
Kok tumbuah tangih di batin
Usah uda tanggaungkan surang
Ratok nak kito bagi duo....
Malam malam baiko yo mamak
Malam malam bainai yo sayang
Anak daro yo mamak
Jo marapulai
Pasumandannyo rancak yo mamak
Manatiang-natiang piriang yo sayang
Sambanyo lamak yo mamak
Si gulai kambiang
Malam malam katigo yo mamak
Malam malam bajapuik yo sayang
Marapulai tibo yo mamak
Anak daro takuik
Cincin cincin dicabuik yo mamak
Di jari-jari manih yo sayang
Marapulai galak yo mamak
Anak daro manangih
Tinggalah uda tinggalah dulu
Hati nan ibo jan dituruikkan
Kito bapisah samantaro
Dek ayah bundo pamiliah juo
Basaba adiak basaba dulu
Kito bapisah untuak batamu
Samo mamintak ka nan kuaso
Suruikkan hati ayah jo bundo
Diri den usah uda risaukan
Cinto den usah uda ragukan
Bia baribu rintang mahadang
Satapak indak kasuruik langkah....
Samo baniaik di dalam hati
Manjadi nyato angan jo mimpi
Tiado nan lain mamisahkan kito
Jikoklah kandak tuhan kuaso....
Di hati mati di mato buto
Jikok nak jodoh indak kamano
Usah manangih baibo hati
Bahagia pasti isuak mananti
Mari kito da samo marendo
Marendo kasiah jo banang cinto
Samo mamikek di ateh kain
Denai pinjaik denai banangnyo
Hati kito diak jadi muaro
Tampek balabuah kasiah jo sayang
Saroman biduak jo pandayuang
Galombang iduik samo dihadang
Nan bak bungo culai
Kok takadie taserai
Iyo ka baa lai....
Mamintak ka tuhan
Kok takadie bacarai
Iyo bacarai mati....
Hati kito diak jadi muaro
Tampek balabuah kasiah jo sayang
Saroman biduak jo pandayuang
Galombang iduik samo dihadang
